Шақат ауылдық округінің шағын ауылдарына бару.

Павлодар ауданының Қоғамдық кеңесінің мүшелері Шәкат ауылдық округінің Заозерное, Маралды, Толубай шағын ауылдарында болып, Әлеуметтік сала нысандарымен танысты. Маралды және Толубай ауылдарында медициналық пункттер бар, Маралды ауылында медициналық пункт тар үй-жайда орналасқан, оның жартысын ауылдық дүкен алып жатыр. Толубай ауылының медициналық пунктінде 2024 жылы жөндеу жұмыстары жүргізіліп, алғашқы медициналық көмек көрсету үшін жақсы жағдайлар жасалған.

Барлық үш ауылда клубтар бар. Толубай ауылындағы Клуб жеке меншікте, жағдайы қанағаттанарлықсыз, терезелері пленкамен жабыстырылған, музыкалық аппаратурасы жоқ. Заозерное ауылында клуб жоқ.

2024 жылы Заозерное, Маралды және Көктөбе ауылдарында КБМ салынды, қазіргі таңда оларды жергілікті коммуналдық меншікке тапсыру бойынша жүмыс жүргізілуде.

Қоғамдық кеңес мүшелері азаматтарды қабылдады.

Толыбай ауылының тұрғыны Сүлеев Ризулла Қайырұлы Ауғанстан Республикасындағы кеңес әскерлерінің шектеулі контингенті құрамында қызмет ету мерзімін еңбек өтіліне қосу үшін оның қызметін растайтын анықтама алуға жәрдемдесу туралы өтініш жасады. Мәселе бақылауға алынды, Павлодар ауданының қорғаныс істері жөніндегі бөлімімен пысықталатын болады.

Маралды ауылының тұрғыны Г. К. Үсенова төмен бағамен сүт сатып алу туралы өтініш білдірді. Дайындаушылар сүтті 1 литріне 130 теңгеден сатып алады, ал қалада ол 3 есе қымбат. Өтініш берушіге түсініктеме берілді.

Сондай-ақ, Кеңес мүшелері Шақат жалпы орта білім беру мектебінде болды. Мектеп ғимаратында шатыр ағып жатыр, жалпы ғимаратты жөндеу қажет.

Шақат ауылдық округіне сапар барысында көтерілген мәселелер бақылауға алынып, ауданның атқарушы органдарымен пысықталатын болады.

Фото

Previous Next