ызылорда қалалық Қоғамдық кеңесінің алғашқы отырысы өтті

Қызылорда қалалық Қоғамдық кеңесінің алғашқы отырысы өтті

2025 жылдың 8 сәуірінде жаңадан құрылған Қызылорда қалалық Қоғамдық кеңесінің алғашқы отырысы өтті. Жиынды Қоғамдық кеңесті қалыптастыру жөніндегі жұмыс тобының жетекшісі Төребаев Шакизат Хамитұлы ашып, кеңес төрағасы сайланғанға дейін жүргізді.

Күн тәртібінде келесі мәселелер қаралды:

1. Қоғамдық кеңес төрағасын сайлау;

2. Қоғамдық кеңестің комиссияларын құру, олардың құрамын және төрағаларын сайлау;

3. Қоғамдық кеңестің төралқа құрамын сайлау;

4. 2025 жылға арналған жұмыс жоспарын бекіту.

Отырыс барысында кеңес мүшелерінің дауыс беруі нәтижесінде қоғам қайраткері Серік Әбішұлы Дүйсенбаев Қызылорда қалалық Қоғамдық кеңесінің төрағасы болып сайланды. Кеңес мүшелері Серік Әбішұлының облыстағы, қаладағы мол тәжірибесін, іскерлігін, кәсібилігін, ұйымдастырушылығын ерекше атап өтіп, Қоғамдық кеңестің жұмысына үлкен сенім артты.

Кеңес төрағасы ретінде С.Дүйсенбаев күн тәртібіндегі мәселелерді талқылап, көпшіліктің дауыс беру қорытындысымен 3 Кеңес комиссиялары мен олардың мүшелерін бекітті.

1. Қызылорда қалалық қоғамдық кеңестің Экономикалық даму, кәсіпкерлікті қолдау және халықты жұмыспен қамту мәселелері жөніндегі комиссиясы (төрағасы Абизов Ділмұхаммед Мнуарбекұлы);

2. Қызылорда қалалық қоғамдық кеңестің қала инфрақұрылымы, энергетика, ауылшаруашылығы және экология мәселелері жөніндегі комиссиясы (төрағасы Кәрімбаев Мұхиджан Исмаилұлы);

3. Қызылорда қалалық қоғамдық кеңестің Әлеуметтік сала және қоғамдық қауіпсіздік мәселелері жөніндегі комиссиясы (төрағасы Мырзабеков Салкадин ).

Сонымен қатар Қоғамдық кеңестің төралқа құрамы айқындалды.

Қоғамдық кеңестің 2025 жылға арналған жұмыс жоспары мақұлданып, бекітілді.

Жиын соңында барлық қаралған мәселелер бойынша тиісті шешімдер қабылданды.

Фото

Previous Next