2025 жылға арналған Павлодар аудандық бюджетті нақтылау

Павлодар ауданының Қоғамдық кеңесінің отырысында 2025 жылға арналған аудандық бюджеттің нақтылануы талқыланды.

Аталған мәселе бойынша экономика және бюджеттік жоспарлау бөлімінің басшысы Ж. Ж. Рахимбердина хабардар етті.

Аудандық бюджетті нақтылауды дайындау кезінде жыл басындағы бюджет қаражатының қалдықтары 23406 мың теңге сомасында бөлінді, сондай-ақ бюджеттік бағдарламалар әкімшілерінің ұсыныстары бойынша 71994 мың теңге сомасына Мемлекеттік сатып алу қорытындылары бойынша үнемдеуді оңтайландыру, қайта бөлу жүргізілді.  Бұл қаражатты аудандық ауқымдағы дала өрттерінің алдын алу және сөндіру жөніндегі іс-шараларды өткізу үшінжанар жағар май сатып алуға жіберу; Набережное, Заря, Богдановка ауылдарындағы сорғы станцияларының жабдықтарын жөндеу және ауыстыру; Набережное ауылында ұялы байланысты жақсарту үшін антенна-діңгек құрылысын орнату; Богдановка ауылында клубында күрделі жөндеу жүргізу; Розовка ауылындағы шағын футбол алаңына, балалар ойын алаңына, воркаут алаңына қосымша жарықтандыру тіректерін орнату; Кемеңгер ауылындағы Комсомольская көшесіне орташа жөндеу жүргізу; Розовка ауылындағы шағын футбол алаңына ағымдағы жөндеу жүргізу; ауылдық округтер бюджеттеріне елді мекендердегі ұйымдасқан қоқыс үйінділерін ұстауға трансферттерге жұмсау усынылды.

Талқылау барысында Ж. Ж. Рахимбердина Кеңес мүшелерінің сұрақтарына, атап айтқанда, Мичурин а/о мемлекеттік станциясы бөгетіне көп факторлы тексеру жүргізуге, кентішілік автомобиль жолдарын жөндеуге қаражат бөлуге қатысты жауап берді.

Фото

Previous Next