Аграрлық мәселелер, жер қатынастары және инвестициялар жөніндегі комиссияның отырысы туралы

А.Касициннің төрағалығымен облыстық қоғамдық кеңестің аграрлық мәселелер, жер қатынастары және инвестициялар жөніндегі комиссиясының отырысы өтті. Отырыс барысында: «Павлодар облысының ауыл шаруашылығын дамытудың алдағы 3 жылға арналған перспективалары мен стратегиясы» және «Павлодар облысының жер ресурстарын пайдалану тиімділігі» туралы екі мәселе қаралды. Облыстың ауыл шаруашылығы басқармасы басшысының орынбасары С.Шукурова жалпы облыста агроөнеркәсіптік кешеннің негізгі өсу нүктелері болып табылатын үш негізгі бағыт бар екенін атап айтты. Бұл суару, сүт шаруашылығы, ауыл шаруашылығы өнімдерін қайта өңдеу. Облыстың жер қатынастары басқармасының басшысы М.Хамитов суармалы жерлерді есепке алу, жайылымдық жерлерді пайдалану, жерді мемлекет меншігіне қайтару, жерді ауыл шаруашылығы айналымына тарту, жер қойнауын пайдалану мақсатында жер учаскелерін беру және т.б. туралы хабардар етті. Қоғамдық кеңес мүшелері А.Касицин, Г.Казылова, З.Сәлменбаев, Ж.Түсіпбеков мәселелерді талқылауға белсене қатысты. Өткізілген отырыстың қорытындысы бойынша ауыл шаруашылығы және жер қатынастары басқармаларының ақпаратын назарға алу, өз ұсынымдарын облыс әкімдігі мен мәслихатына жолдаумен бар проблемаларды шешуде қолдау туралы шешім қабылданды.

Фото

Previous Next