Павлодар ауданының денсаулық сақтау жүйесіндегі проблемалық мәселелер туралы

Облыстық қоғамдық кеңестің білім беру, денсаулық сақтау, мәдениет және әлеуметтік қорғау мәселелері жөніндегі комиссиясының мүшелері Б. Бексейітованың төрағашылығымен Павлодар ауданының денсаулық сақтау жүйесіндегі проблемалық мәселелерді қарады. Комиссия жұмысына Павлодар ауданының әкімі Д. Ибраев, облыстың денсаулық сақтау басқармасы басшысының орынбасарлары А. Мұхамбетов және Г. Байітлесова, Павлодар аудандық емханасының бас дәрігері Г. Қайырбаева қатысты. Мәселені талқылау барысында аудандық аурухананың жоқ екендігі, аудан емханасында алаңдардың жетіспеушілігі аталып айтылды, Луганск және Ефремовка ауылдарындағы дәрігерлік амбулаториялар санитарлық-эпидемиологиялық талаптарға, өрт қауіпсіздігіне, тұрғындардың қозғалысы шектеулі топтары үшін қолжетімділікке сәйкес келмейтін, жалға берілетін үй-жайларда орналастырылған. Пресное ауылының фельдшерлік-акушерлік пункті күрделі жөндеуді қажет етеді. Өткізілген отырыстың қорытындылары бойынша облыс әкімдігіне ұсынымдар жолданатын болады.

Фото

Previous Next