МАҚТААРАЛ АУДАНЫНЫҢ ҚОҒАМДЫҚ КЕҢЕСІНІҢ КЕЗЕКТІ ОТЫРЫСЫ ӨТКІЗІЛДІ

Бүгін, 2025 жылғы 15 сәуір күні аудандық Қоғамдық кеңестің төрағасы М.О.Ердешовтың төрағалығымен Қоғамдық кеңестің кезекті отырысы өтті. Қоғамдық кеңестің отырысына Қоғамдық кеңес мүшелері, Мақтаарал ауданының ауыл шаруашылығы бөлімінің басшысы Б.Әлімқұл, Мақтаарал ауданының білім бөлімі басшысының м.у.а А.Кошкаров, Мақтаарал ауданының экономика және қаржы бөлімінің басшысы Ш.Абенов, А.Қалыбеков ауылдық округі әкімінің орынбасары С.Татеев және Достық ауылдық округі әкімінің орынбасары И.Досубеков қатысты.

Күн тәртібіне келесі мәселелер енгізілді:

1.«Ауданның көктемгі егіс науқанына дайындығы туралы» Мақтаарал ауданының ауыл шаруашылығы бөлімі басшысының есебі;

2.«Қазақстан Республикасының білім беруді дамытудың мемлекеттік бағдарламасына сәйкес Мақтаарал аудандық білім бөлімінде атқарылып жатқан жұмыстар туралы, балалардың сабақтан тыс және жазғы кезеңдерде бос уақыттарын өткізу және балалар қылмысын азайту жөніндегі алдын алу жұмыстарын ұйымдастыру туралы» Мақтаарал аудандық білім бөлімінің есебі;

3.«Достық ауылдық округі әкімі аппараты» мемлекеттік мекемесі тарапынан 2024 жылдың 12 айының қорытындысымен, тұрғындарға көрсетілген мемлекеттік қызметтердің заңнама және қағида (стандарт, регламент) талаптарына сәйкес көрсетілуі туралы Достық ауылдық округі әкімінің есебі;

4.«А.Қалыбеков ауылдық округі әкімі аппараты» мемлекеттік мекемесі тарапынан 2024 жылдың 12 айының қорытындысымен, тұрғындарға көрсетілген мемлекеттік қызметтердің заңнама және қағида (стандарт, регламент) талаптарына сәйкес көрсетілуі туралы А.Қалыбеков ауылдық округі әкімінің есебі;

5.«Мақтаарал аудандық мәслихатының 2024 жылғы 24 желтоқсандағы №24-149-VIII «2025-2027 жылдарға арналған аудандық бюджет туралы» шешіміне өзгерістер енгізу туралы» Мақтаарал аудандық мәслихаты шешімінің жобасы;

6.«Азаматтық қызметші болып табылатын және ауылдық елдi мекендерде жұмыс iстейтiн әлеуметтiк қамсыздандыру, мәдениет, спорт саласындағы мамандарға, сондай-ақ жергілікті бюджеттерден қаржыландырылатын мемлекеттік ұйымдарда жұмыс істейтін аталған мамандарға қызметтiң осы түрлерiмен қалалық жағдайда айналысатын мамандардың мөлшерлемелерімен салыстырғанда жиырма бес пайызға жоғарылатылған айлықақылар мен тарифтiк мөлшерлемелер белгiлеу туралы» Мақтаарал аудандық мәслихатының шешім жобасы;

Күн тәртібіндегі бірінші мәселе бойынша Мақтаарал ауданының ауыл шаруашылығы бөлімінің басшысы Б.Әлімқұл баяндама жасады.

Күн тәртібіндегі екінші мәселе бойынша Мақтаарал ауданының білім бөлімі басшысының м.у.а А.Кошкаров баяндама жасады.

Күн тәртібіндегі үшінші мәселе бойынша Достық ауылдық округі әкімінің орынбасары И.Досубеков баяндама жасады.

Күн тәртібіндегі төртінші мәселе бойынша А.Қалыбеков ауылдық округі әкімінің орынбасары С.Татеев баяндама жасады.

Күн тәртібіндегі бесінші және алтыншы мәселе бойынша Мақтаарал ауданының экономика және қаржы бөлімінің басшысы Ш.Абенов баяндама жасады

Күн тәртібіне енгізілген барлық мәселелер қаралып, жан-жақты талқыланды.

Күн тәртібіндегі қаралған мәселелер бойынша ұсынымдық сипаттағы шешімдер қабылданатын болады.

Фото

Previous Next