Қоғамдық кеңес жанындағы сыбайлас жемқорлыққа қарсы комиссия отырысында

Аудандық қоғамдық кеңестің кезекті отырысында жоспарға сәйкес төмендегі мәселелер қаралды:
1. Аудандық ішкі істер бөлімінің  адам өмірі қауіпсіздігін сақтауда жол  қауіпсіздігі Ережелерін сақтау және оның алдын алу бойынша атқарылып жатқан жұмыстары туралы.
2. ⁠Зайсан ауданы бойынша шетелдіктер үшін 2024 жылға арналған туристік жарна мөлшерін бекіту. 
3. ⁠Аудан бойынша конкурсқа ұсынылған ауылшаруашылығы мақсатындағы жер учаскелерінің тізімін бекіту.
4. ⁠Аудандық Құрмет грамотасымен марапаттау Ережесінің жобасын бекіту.

Күн тәртібіндегі бірінші мәселе бойынша аудандық ішкі істер бөлімі бастығының орынбасары Д . А. Елеуовтың есебі тыңдалды.
2024 жылдың басынан аудандық полиция бөлімінің патрульдік полиция тобының инспекторларымен 472 әкімшілік құқық бұзушылық анықталған, оның ішінде көлік құралын масаң күйде басқарған 14 дерек анықталып, оның 2 уіне қылмыстық іс қозғалған, жол жүру ережесін бұзу бойынша 23 әкімшілік хаттама толтырылған. Жол жүру ережелерін сақтау жол- көлік оқиғасының алдын алу мақсатында 4 түрлі жадынама 1000 нан астам жүргізушіге таратылса, полиция бөлімінің инстаграм парақшасында 5 бейне ролик жарияланған, 8 ауылдық округте билбордттар ілінген.
Жол тораптарын күтіп ұстау ережесін бұзғаны үшін жауапты мекемелерге 5 әкімшілік хаттама толтырылған. 
Соңғы 2 айда ауданға жол тораптары 59 рет тексеріліп, 868 шақырым тексеруден өткізілген, дегенмен қаладағы білім беру мекемелері  алдында арнайы көлік тұрағы болмағандықтан, жол қауіпсіздігі ережелері сақталмайды, сондықтан арнайы белгі қою қажет . Соныменқатар жол қауіпсіздігі ережелерін сақтауды барынша насихаттау үшін халық көп жиналатын демалу орындарында, алаңдарға, арбатқа ледэкрандар қою , билбордттар ілу ішкі істер бөлімі тарапынан мүмкін болмай отырғандығы айтылды.
Аудандық қоғамдық кеңес  арнайы жол қауіпсіздігі ережесі бойынша белгі қоюды аудандық тұрғын үй коммуналдық шаруашылық және жол құрылысы бөліміне, билбордттар мен ледэкран қоюды  ұйымдастыру бойынша аудандық ішкі саясат бөліміне арнайы хат жолдау туралы шешім қабылдады. 
Қоғамдық кеңестегі қалған мәселелер бойынша тиісті бөлім басшылары   Р. Тауасаровтың , Е. Қайрақбаевтың , С Исаеваның  жоба- ұсыныстарын тыңдап, мақұлдады.

Фото

Previous Next