Қоғамдық кеңес жанындағы сыбайлас жемқорлыққа қарсы комиссия отырысында

2024 жылдың 12 - сәуірінде өткізілген қоғамдық кеңес жанындағы “ Сыбайлас жемқорлыққа қарсы іс- қимыл комиссиясында  “ Аудандағы жекеменшік балабақшалардағы мемлекеттік тапсырыстың орындалуы және қаржының мақсатты игерілуі туралы” аудандық білім бөлімі басшысы М. Муратқызының есебі тыңдалды.
Аудандағы  12 жекеменшік балабақшада кезегіне қарай 2-6 жас аралығындағы балалар қамтылған. Оның сыртында меншік иелерінің мүмкіндігіне қарай  мектепалды даярлық топтары ұйымдастырылған. Балабақшалардағы жан басына қаржыландыру ауыл балабақшалары үшін 60830 т. қала балабақшалары үшін 54673 т . құрайды. Ата- аналар жарнасы  3 жасқа дейін 13500 т, одан жоғары жастағыларға 14500 т . болып бекітілген, дегенмен ауылдағы ата- аналар мүмкіндігіне қарай меншік иелері 10000 т . дейін төмендетіп отырғандары  да бар.
Балбақшалардағы ас мәзірі 10-12 күндік ас мәзірімен  беріледі, негізгі тағамдарға қауіпсіздік сертификаты алынғанымен көкөністер мен жемістерге қауіпсіздік сертификаты алынбаған. 
Жекеменшік балабақшалары педагогтарына қойылатын талап мемлекеттік балабақшалармен бірдей болғанымен білім жетілдіру курстарында басымдық мемлекеттік балабақша педагогтарына берілетіндігі және балабақшаның материалдық базасын нығайтуға мемлекет тарапынан берілетін 2,5 пайыздық кредиттер берілсе - деген  меншік иелері ұсыныстарын айтып, тиісті сала басшыларына жеткізуді сұрады. 
Қоғамдық кеңес мүшелері  соңғы кездері балабақшалар каникулға ұзақ уақытқа жабылатындығы , бұл ата- аналар үшін қолайсыз екендігі, кезекші топтарды жүйелі  ұйымдастыру туралы, көкөністер мен жемістерге сертификат алуды бақылауға алу, дезинфекциялық кілемшелер болуын қадағалауға ұсыныс - пікірлерін білдірді.

Фото

Previous Next