Мұғалжар ауданына жұмыс сапары

Ақтөбе облысының Қоғамдық кеңес мүшелері Мұғалжар ауданы Ембі қаласына іс-сапармен барды. Негізгі себеп Ембі қаласының батыс бөлігінің тұрғындарының Ақтөбе облысының Қоғамдық кеңесіне жасаған өтінішіне байланысты болды.
Тұрғындардын айтуы бойынша Ембі қаласының екі бөлігінің инфоқұрылым жағдайы екі түрлі. Мектеп оқушылары, жастардың спортпен айналысуына мүмкіндіктері қолжетімді емес. Тұрғындар осы ретте балаларының болашақтары үшін алаңдаушылықтарын білдірді.
Кездесу өзара пікір алмасу және ашық диалог форматында өтті. Іс-сапар барысында кеңес мүшелері №2 және №4 жалпы білім беретін орта мектептерге қоғамдық мониторинг жүргізді. 1906жылы салынған №4 мектеп жағдайында мектеп ғимаратының ескіргені, жөндеу-жаңарту жұмыстарының қажеттілігі анықталды.  
Кездесу қорытындысында тараптар тығыз байланыста жұмыс істеуге уағдаласты. Қоғамдық кеңес өкілдері мұндай кездесулердің алдағы уақытта да жалғасатынын атап өтті.

Фото

Previous Next