Тараз қалалық Қоғамдық кеңес құрамы КОЛЛЕДЖдерді зерделеуді тәмамдады, негізгі мәселелерді түзуге кірісті

Тараз қалалық Қоғамдық кеңестің арнайы құрылған топтары облыс орталығындағы барлық колледждердің қызметін зерделеуді тәмамдады.

Соңғы бас сұққандары "Астана" көпсалалы, Жамбыл политехникалық жоғары және Ақпараттану, байланыс технологиялары колледждері болды.

Жалпы, арнаулы орта білім беру мекемелерінің құрылымы, негізгі жұмыс бағыттары және алдағы жоспарлары, сондай-ақ ел заңнамасына сәйкес мақсатты талаптарға қол жеткізуі, проблемалық мәселелері мен оларды шешуге талпыныс деңгейі ой елегінен өткізілді.

Қала деңгейіндегі негізгі жетістіктер мен кемшіліктер сапы түзілді. Ендігі міндет - осының барлығын қағаз бетіне түсіріп, бір арнаға тоғыстырып, нақты әрі тұщымды ұсынымдар әзірлеу.

Кеңестіктердің алдағы әрекеті осы мәнде өрбімек.

Фото

Previous Next