ЖАҢА ҚҰРАМНЫҢ ЖАҢА МІНДЕТТЕРІ

ҚР «Қоғамдық кеңестер туралы» Заңның 9-бабы 7-тармағына сәйкес Қоғамдық кеңесті қалыптастыру жөніндегі Жұмыс тобы Қоғамдық кеңес туралы үлгілік ереже негізінде конкурс өткізіп, Жамбыл облыстық Қоғамдық кеңесінің IV – құрамын қалыптастырды және Қоғамдық кеңеске кандидаттардың резервтік тізімін айқындалған болатын.

Бүгін кеңестің алғашқы отырысы өтіп, оған облыстық Қоғамдық кеңесінің IV-құрамын қалыптастыру жөніндегі жұмыс тобының жетекшісі Масат Берік төрағалық етті,

Күн тәртібінде Жамбыл облыстық Қоғамдық кеңесінің IV-құрамының төрағасын сайлау, Жамбыл облыстық Қоғамдық кеңесінің IV-құрамының төралқа мүшелерін сайлау, Қызмет бағыттары бойынша комиссиялар құрамын және комиссия төрағаларын бекіту, Жамбыл облыстық Қоғамдық кеңесі туралы Ережені бекіту туралы 4 мәселе қаралды.

Жиында алдымен облыстық Қоғамдық кеңесінің мүшелеріне қызметтік куәліктер тапсырылды.

Облыстық Қоғамдық кеңес төрағалығына қоғамдық кеңес мүшелерінің бірауыздан ұсынылуымен "Құрмет" орденінің иегері Дүйсенәлі Бықыбаев сайланды.

Сондай-ақ күн тәртібіне сәйкес кеңестің төралқа құрамын бекітті; қызмет бағыттары бойынша комиссиялар құрылып, комиссия төрағалары бекітіліп, Жұмысшы тобы әзірлеген Жамбыл облыстық Қоғамдық кеңесі туралы Ереженің жобасы бекітілді.

Фото

Previous Next