Отбасылық-тұрмыстық қатынастар саласындағы құқық бұзушылықтардың алдын алу туралы

Облыстық қоғамдық кеңестің отырысында полиция департаментінің қатысуымен «Отбасылық-тұрмыстық қатынастар саласындағы құқық бұзушылықтардың алдын алу туралы» мәселесі қаралды. Облыс ПД ЖПҚ басқармасының бастығы, полиция подполковнигі Қ. Мұстафиновтің хабарлауынша, 2024 жылдың қорытындылары бойынша облыста отбасылық-тұрмыстық салада жасалған қылмыстардың -63,6%-ға (88-ден 144-ке дейін) ұлғайғаны белгіленді. Жағдайлардың көбінде қылмыстар алкогольдік ішімдіктерді ішу және қызғаныш негізінде кенеттен туындаған жанжал кезінде жасалған. Жүргізілген талдау барысында қылмыстардың 40,2 %-ы жұмыссыз адамдармен, 49, 3%-ы алкогольдік ішімдіктер ішу барысында жасалғаны анықталды. Қоғамдық кеңестің мүшелері Ахметова С., Бексейітова Б., Миронов Е., Кусегенов Ч., Корепанов Д., Нұралинов М., Оспанова А. және Стрелковская М. мәселені талқылауға белсенді қатысты. Қоғамдық кеңес мүшелері облыстық Қоғамдық кеңестің білім беру, денсаулық сақтау, мәдениет және әлеуметтік қорғау мәселелері жөніндегі комиссиясының төрағасы Б. Бексейітованың: - жұмысты үйлестіру мақсатында Орталық мемлекеттік органдарға қорғаншылық және қамқоршылық функцияларын жергілікті атқарушы органдардың қарамағына беру туралы хат дайындап, жолдау; - жергілікті атқарушы органдарға күнкөрісі төмен отбасылардан шыққан балаларға және өмірлік қиын жағдайға тап болған балаларға арналған интернат ашуды ұсыну туралы ұсынымдарын қолдады.

Фото

Previous Next