ШЫМКЕНТ: ҚОҒАМДЫҚ КЕҢЕСТІҢ III КЕЗЕҢІНІҢ ҚҰРАМЫ ЖАСАҚТАЛДЫ

---

«Қоғамдық кеңестер туралы» Қазақстан Республикасы Заңының 9-бабының 8-тармағына және Шымкент қаласы қоғамдық кеңесін қалыптастыру жөніндегі жұмыс тобының 2022 жылғы 18 наурыздағы №5 хаттамасының негізінде Шымкент қаласы мәслихатының 2022 жылғы 30 наурыздағы №14/130-7 шешімімен Шымкент қаласы қоғамдық кеңесінің құрамы бекітілді. 
    Жаңа құрамның алғашқы отырысы 2022 жылдың 30 мамыр күні өтті.
Аталған жиынды жұмыс тобының жетекшісі Әлішев Әмірдин Мұхиденұлы ашып, «Кеңес құрамына өңірге, қаламызға еңбегі сіңген, халықтың атынан ашық пікір айта алатын 29 азаматты таңдауда, әділ әрі ашық шешім қабылдауға тырыстық» деп жұмыс нәтижесін қорытындылады. 
Жиында Шымкент қаласы қоғамдық кеңесінің Ережесі бекітілді. 
Көпшілік дауыспен кеңес төрағасы болып Қоғам қайраткері Мырзахметов Шалатай Мырзахметұлы сайланды. 
Кеңес жанынан тұрақты комиссиялар құрылып, төрағалары тағайындалды. 
Тұрақты комиссия атаулары: 
I.     Бюджет және экономиканың дамуы, ивестиция жөніндегі тұрақты комиссия; 
II.    Азаматтық қоғам институттарымен байланыс, әлеуметтік саланың дамуы жөніндегі тұрақты комиссия;
III.    Ауыл шаруашылығы, кәсіпкерлік, құрылыс және коммуналдық салаларының дамуы жөніндегі тұрақты комиссия;
IV.    Сыбайлас жемқорлыққа қарсы іс-қимыл жұмыстарын бақылау жөніндегі тұрақты комиссия;
V.    Заңдылық, құқық тәртібі және жергілікті өзін-өзі басқару жөніндегі тұрақты комиссия.
Жиын барысында кеңес мүшелері кеңес жұмысын үйлестіру мәселелерін талқыланып, басты бағыт халықтың мүддесін қорғауда, Мемлекет басшысы Қасым-Жомарт Кемелұлы Тоқаевтың «Халық үніне құлақ асатын мемлекет» тұжырымдамасын іске асыруда қоғамдық қызметті нәтижелі атқаруға жұмыс жасайтындықтарын жеткізді.