Көкейтесті мәселелердің бірі

---

Атырауда қалалық Қоғамдық кеңес құрылып, бірнеше жылдан бері табысты жұмыс істеп келеді. Қоғамдық кеңес - бұл қоғамдық маңызы бар мәселелер бойынша азаматтық қоғамның пікірін білдіретін, олардың мүдделерін білдіретін, қоғамдық бақылауды ұйымдастыратын және жергілікті атқарушы органдар қызметінің ашықтығын қамтамасыз ететін консультативтік-кеңесші, байқаушы орган.

Қалалық Қоғамдық кеңестің жұмыс барысында, оның отырыстарында қаланың дамуы мен тыныс-тіршілігіне қатысты түрлі өзекті мәселелер тыңдалып, қаралды. Оның ішінде жеке тақырып болып қаралған, бірнеше рет қызу талқыланған қала аумағының санитарлық тазартуы болды.

Бірақ, өкінішке орай, қалалық Қоғамдық кеңес сияқты деңгейлерде қаралатын және талқыланатын мәселелердің барлығы бірдей дұрыс және ұтымды шешімін таба бермейді.

Жалпы, туған қаламыз, Атырау қаласы жақсы дамып келеді. Жаңа сәулет құрылыстары көз қуантады. Соңғы 15 жылда біздің қалада көптеген заманауи биік әкімшілік және тұрғын үйлер пайда болды.

Қала билігі жолдар мен тротуарларды жақсартуға, көшелерді жарықтандыруға, Жайық өзенінің жағалауын абаттандыруға, қала орталығында ғана емес, ауылдық округтерде және басқа да көптеген бағыттарда балалар мен спорт алаңдарын салуға және абаттандыруға көп көңіл бөледі.

Қала аумағын санитарлық тазалау бойынша да көптеген жұмыстар атқарылды. Тұрмыстық қатты қалдықтарға арналған контейнерлер жаңартылып, көп қабатты үйлердің жанындағы қоқыс жинайтын контейнерлерге арналған учаскелер абаттандырылды. Жаңа техника сатып алынуда.

Дегенмен, қала аумағын санитарлық тазалау мәселесі әлі күнге дейін аяғына дейін шешілмей келеді. Қаланы аралап жүргенде бақалатын көріністен 20 - 30 жыл бұрынғы қалдегідей сезімде боласыз: әйел қызметкерлері жартылай бүгілген күйде үй сыпырғышымен көшелерді сыпырып жүр; пайдасы жоқ арықтарға қар, жаңбырдан кейін жиналған балшықты жұмысшылар күрекпен жинап, қолмен көлікке тиейді, балшықтан кейін, бәрі құрғаған кезде көшелердегі шаң аспанға көтеріледі, кеңес дәуірінен бастап бізде асфальтты жуу тәжірибесіде жоқ. Әрдайым дерлік, көптеген мөлтекаудандарда қатты тұрмыстық қалдықтар дер кезінде шығарылмайды, қоқыс контейнерлері толып жатыр, қоқыс контейнерлерінің аумағы мен айналасында қоқыс пакеттер шашылып жатады. Көптеген көп қабатты үйлердің аулалары сыпырылмайды, аула сыпырушылар көрінбейді, ауа-райының желді кезеңінде бір реттік пакеттер ауада ұшып жүреді. Бір кездері «Спецавтобаза» ЖШС тұрғындардың ватсап көмегімен жиналған және шашылған қоқыс орындары туралы хабарлауын тәжірибеге енгізген еді, қазір ол шарада ұмытылды.

Басқа қалалардағы жағдай біздікіндей емес қой! Қазақстанда да, басқа елдерде де дамыған және абаттандырылған қалалар бар. Тәжірибе алмасу мақсатында қаланың және құрылымдық бөлімшелердің басшылары бірнеше рет шетелге шықты. Осыдан сұрақ туындайды: Неге біздің жауапты тұлғалар басқалардан үйреніп, тәжірибені, принципті, жұмыс технологиясын қабылдамайды және оны біздің қаламызда қолданбайды?

Біздің тұзды топыраққа сілтеме жасаудың ыңғайлы әдеті бар. Бірақ Ресей Федерациясындағы Санкт-Петербург қаласы 300 жыл бұрын батпақтың үстіне тұрғызылған! Үш жүз жылдан астам уақыт бұрын, басқа инженерлік ойлар заманында, ылғалды, теңіз-континенталды климатты жерде, батпақтың үстінде 190 субұрқақтары бар Петергоф қаласы салынды (біздің қаламыздың субұрқақтары-бұл бөлек тақырып!).

Қазір бізде тамаша уақыт, біз техника мен жоғары технологиялардың даму ғасырында өмір сүріп жатырмыз. Бірақ, әлі, осы бір үлкен мәселе шешілмей келеді!

Қазіргі уақытта тіпті мал жаю жұмысы GPS - модулі мен навигатордың көмегімен атқарылуда. Олай болса, неліктен мұндай дамыған уақытта республикамыздың кейбір қалаларымен салыстырғанда үлкен қаржылық мүмкіншілік бола тұра қаламыздың көшелерін техника сыпырып, жуып тастамай, әлі күнге дейін бұл «аталық» әдіспен жасалады? Шынымен бұл соншалықты қаланы қоқыстан толық тазарту шешілмейтін мәселема? Кезінде «өткізбейтін балшық» әр ғимараттың жанында шүберекпен оралған таяғы бар сі құылған ыдыс мәселесі шешілді ғой! Олай болса, осы аталған мәледе шешімін табады деп ойлаймын. Бұл жерде ең бастысы, қалаға және онымен байланысты барлық нәрсеге өзіңіздің туған жеріңіз сияқты сезініп, жан тәнімен беріліп жасау керек!

Тағы бір айта кететін жай. Қала аумағын санитарлық тазалаумен «Спецавтобаза» ЖШС айналысады. Бұл компания қаладағы халық саны 100 мың және 200 мың болған кезде осы іспен айналысқан. Қазір қала халқы бірнеше есе өсіп, 290 мыңнан астам адамды құрайды. Менің ойымша, осындай тағы бір min 3 компания қажет, әр жағалауда 2-ден болса тұрғындарға қоқыс жинайтын компанияны таңдауға және осылайша бәсекелестік орта құруға мүмкіндік берер еді. Кез-келген жұмыстың сапасына үлкен бәсекелестік ортаны құру арқылы ғана қол жеткізуге болатындығы белгілі.

Жалмұханова Рабига Қоғамдық кеңес мүшесі,

мемлекеттік қызмет ардагері