Тараз қалалық Қоғамдық кеңестің кезекті отырысы әскерге шақырылушыларды медициналық куәландыру мәселесіне арналды.

---

Тараз қалалық Қоғамдық кеңестің кезекті отырысы әскерге шақырушыларды медициналық куәландыру мәселесіне арналды. Зерделеу нәтижесі көрсеткендей, Жамбыл облысы әкімдігінің денсаулық сақтау басқармасы тарапынан ұйымдастырылған  мемлекеттік сатып алу байқауында жеңімпаз ретінде медициналық куәландыруды бекітуге "е-лицензия" жүйесіне тіркелмеген жергілікті "Мейірім" медициналық орталығы танылған. Техникалық талапта кеткен қателіктің кесірінен, 22 млн  теңгелік қызметті көрсетуге міндеттелген аталмыш медициналық орталықтың жұмысын, "е-лицензия" жүйесіне тіркелген қалалық 5 емхана бекітіп отырған. Өткен жылдың қыркүйек айына дейін осындай үрдіс орын алған. 
     Осы және өзге де кемшіліктер тапсырыс беруші мен мемлекеттік сатып алу байқауының жеңімпазы атанған "Мейірім" медициналық орталығының қызметінен анықталды. 
     Жиын қорытындысы бойынша орын алған олқылықтарды жою және алдағы уақытта болдырмау жөнінде мәселеге қатысты тараптарға Қоғамдық кеңес тарапынан ұсынымдар берілді.