ҚР ҰЭМ Қоғамдық кеңесінің кезекті отырысы өтті

---

Жиынға қатысушылар Қоғамдық кеңестің 2023 жылғы қызметінің қорытындылары мен ағымдағы жылға арналған жұмыс жоспарын талқылады. Сондай-ақ жиында Инфляция деңгейін бақылау және төмендету жөніндегі 2023-2024 жылдарға арналған шаралар кешенін іске асыру барысы қаралды.

Қоғамдық кеңестің төрағасы Алмас Чукин былтырғы жылы ҚК мүшелері министрліктің нормативтік құқықтық актілерінің 114 жобасын қарап, оның 100-і қабылданғандығын атап өтті. Биылғы жылдың 1 тоқсанында 17 жоба қаралған.

Бұған қоса, ағымдағы жылдың соңына дейін ҰЭМ-нің 16 өзекті мәселесін қарастыру жоспарлануда.

Өз кезегінде Макроэкономикалық талдау және болжау департаментінің директоры Вагиз Хисматулин Инфляция деңгейін бақылау және төмендету жөніндегі  2023-2024 жылдарға арналған шаралар кешенінде жедел және орта мерзімді сипаттағы 90 іс-шараны жүзеге асыру көзделгенін айтты.

Оның айтуынша, ағымдағы жылдың ақпан айының қорытындысы бойынша жылдық инфляция 9,3% - ға дейін баяулаған.

«Бір жыл ішінде әлеуметтік маңызы бар азық-түлік тауарларының бағасы 0,8% - ға өсті. Құжатты жүзеге асыру жалғасуда. Ағымдағы жылы инфляцияның нысаналы дәлізі 6-8% деңгейінде белгіленді», - деді В.Хисматулин.