ҚР ТЖМ жанындағы Қоғамдық кеңестің отырысы

---

2023 жылғы 20 қазанда азаматтық қорғау органдарының қызметі мәселелері жөніндегі Қоғамдық кеңестің (Қазақстан Республикасы Төтенше жағдайлар министрлігі жанындағы) кезекті отырысы (қоғамдық тыңдау) өтті.

Отырыста азаматтық қорғау саласындағы орталық атқарушы органның (Қазақстан Республикасы Төтенше жағдайлар министрлігі) құрылымдық бөлімшелерінің басшылары келесі мәселелер бойынша тыңдалды:

1. Қоғамдық кеңестің құрамы туралы (мемлекеттік органнан Қоғамдық кеңестің жаңа құрамы енгізілді);

2. Қазақстан Республикасы Төтенше жағдайлар министрлігінің «Апаттар медицинасы орталығы» мемлекеттік мекемесінің 2022 жылы және 2023 жылдың бірінші жартыжылдығында атқарылған жұмыстарының қорытындылары және даму жоспарлары туралы».

Отырыс қорытындысы бойынша Қоғамдық кеңес ҚР Төтенше жағдайлар министрлігіне Апаттар медицинасы орталығының дәрігерлері мен медицина қызметкерлерінің жалақысын көтеру мүмкіндігін қарастыру бойынша ұсыныстар берді.