ШЫМКЕНТ: ҚОҒАМДЫҚ КЕҢЕСТІҢ КЕЗЕКТІ ОТЫРЫСЫ ӨТТІ

---

Шымкент қаласы қоғамдық кеңесінің кезекті отырысы өтіп, күн тәртібіне сәйкес 5 мәселе қаралып, талқыланды.

2021 жылдың 9 айында атқарған жұмыстары және нәтижелері туралы «Shymkent» әлеуметтік –кәсіпкерлік корпорациясы» акционерлік қоғамының төрағасы Канкин Бауржан Тоқболатұлы, Шымкент қаласының жолаушылар көлігі және автомобиль жолдары басқармасының басшысы Жолдасов Ержан Жақсылықұлы, Шымкент қаласының тұрғын үй басқармасы басшысының м.а Ордабекова Жұлдызай Сарсенбайқызы, Шымкент қаласының қалалық жайлы ортаны дамыту басқармасы басшысының орынбасары Кенжебаев Нұрсұлтан Садықұлы және Шымкент қаласының дене шынықтыру және спорт басқармасының басшысы Тұманбаев Бауыржан Қалмұхамедұлы баяндады.

Жиын барасында қаладағы әлеуметтік дүкендер, нысандар мен инвестиция тарту мәселелері, сондай-ақ спорт саласындағы жетістіктер мен бұқаралық спортты қолдау шаралары, қаланың табиғи көркі және тұрғын үй мен сала аралық бюджеттің жұмсалуы секілді түйткілді мәселелер көтеріліп, ұсыныс пікірлер айтылды.

Отырыс қортындысы ретінде хаттамалық ұсыныстар берілетін болады.

Кеңес мүшелері «Shymkent» әлеуметтік – кәсіпкерлік корпорациясы» акционерлік қоғамының және Шымкент қаласының жолаушылар көлігі және автомобиль жолдары басқармасының есебін ұсыныстар бойынша толықтырып келесі отырыстарда қайта қарау туралы бірауыздан келісті.

Отырысты кеңес төрағасы, Шымкент қаласының мәслихат депутаты, Бұхарбай Нұрғазы Бақтыбайұлы жүргізіп отырды.