«Ақтөбе қаласының әкімдігі көрсететін мемлекеттік қызметтер туралы» Қоғамдық кеңестің отырысында қаралды

---

4 қазанда «Ақтөбе қаласы әкімдігімен көрсетілетін мемлекеттік қызметтер туралы» мәселе бойынша Ақтөбе қаласының Қоғамдық кеңесінің заңдылық, құқықтық тәртіп, жергілікті мемлекеттік басқару және өзін-өзі басқару мәселелері бойынша тұрақты комиссиясының отырысы өтті. Комиссия жұмысына Қоғамдық кеңес мүшелері, Ақтөбе қаласы әкімі аппаратының басшысы Ершеге Манас және мемлекеттік мекемелердің өкілдері қатысты. Ақтөбе қаласы әкімі аппаратының ақпараттандыру және мемлекеттік қызметтер көрсету мәселелерін үйлестіру бөлімінің бас маманы Махатова Дания, «Ақтөбе қаласының жер қатынастары бөлімі» ММ-нің басшысы Қабылов Жанбек және «Ақтөбе қаласының сәулет және қала құрылысы бөлімі» ММ-нің бас маманы Данайбекова Роза баяндама жасады.

2023 жылдың 8 айы бойынша қалада жергілікті атқарушы органдар 92506 мемлекеттік қызмет көрсетті, оның ішінде 65225 қызмет электрондық түрде (70,5%), «Азаматтарға арналған үкімет» Мемлекеттік корпорация арқылы 23449 қызмет көрсетілді. Ақтөбе қаласының жер қатынастары бөлімі жер қатынастары саласындағы мемлекеттік қызметтер тізіліміне сәйкес 9 қызмет көрсетеді. Ал қазір, жер учаскесін алуға кезекке қою мемлекеттік қызметін автоматтандыру шеңберінде жеке тұрғын үй құрылысы үшін жер учаскелерін алуға кезекте тұрған азаматтардың бірыңғай тізілімін қалыптастырды, олардың тізімі бүгінгі күні электрондық порталында, egov.kz сайтында жарияланған. Сәулет бөлімі 6 мемлекеттік қызмет көрсетеді.

Ақтөбе қаласының мемлекеттік органдарымен көрсетілетін мемлекеттік қызметтер туралы ақпаратты тыңдау барысында Қоғамдық кеңес мүшелері бірқатар өзекті, өзекті сұрақтар қойып, ескертулер мен ұсыныстар енгізді.