Түркістан облыстық Қоғамдық кеңесінің оныншы отырысы өтті

---

Қоғамдық кеңестің отырысының күн тәртібінде 11  мәселе қаралды.

Жиынға тиісті Түркістан облысының басқарма басшыларымен қатар  Түркістан облысының білім саласындағы сапаны қамтамасыз  ету департаментінің басшысы Алматов Ғалымжан Бауыржанұлы;

-Түркістан облысы бойынша ішкі мемлекеттік аудит департаментінің басшысы Мендібаев Берік Мұхтарұлы;

- ҚР Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Түркістан облысы бойынша департаменті басшысының бірінші орынбасары Арынбаев Нұрлан Керімханұлы;

- ҚР  Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Түркістан облысы бойынша департаментінің Превенция басқармасы басшысының орынбасары Әсілбек Сәбит Әсетұлы;

Түркістан облысы бойынша мемлекеттік қызмет істері департаментінің басшысы Балажанов Өркен Байділханұлы, басшы орынбасары Суртеков Дархан, басқарма басшысы Мадибеков Рустем және бұқаралық ақпарат құралдарының өкілдері қатысты.  

 Күн тәртібіндегі алғашқы мәселе кеңес мүшелігіндегі Ұлан Қалмұханұлы Тәжібаев пен Тимур Арсенұлы Нахыпбековтің өзге өңірге қызметтері ауысуына байланысты, Қоғамдық кеңесі мүшелігіне кандидаттардың резервшілер тізімінен азаматтық қоғам өкілдері қатарынан  Қоғамдық кеңестің құрамына Бөкейхан Нұралыұлы Абишов пен Фарид Галимович Аюпов қабылданды.

Аталған азаматтар облыстық Қоғамдық кеңесінің ауыл шаруашылығы, кәсіпкерлік, құрылыс және коммуналдық салаларының дамуы жөніндегі комиссиясының құрамына бекітілді.

Күн тәртібіндегі «Энергетика, тұрғын үй-коммуналдық шаруашылық салаларында атқарылып жатқан жұмыстар туралы» есебі бойынша облыстық энергетика және тұрғын үй-коммуналдық шаруашылық басқармасының басшысы Сәкен Шалабайұлы Далиев тыңдалды.

Басқарма басшысының баяндамасынан кейін  облыстық  Қоғамдық кеңесінің ауыл шаруашылығы, кәсіпкерлік, құрылыс және коммуналдық салаларының дамуы жөніндегі комиссиясының мүшесі Құрмет Балқыбекұлы Керімбеков ауыз су мәселесі ал, сол комиссияның мүшесі Ерқуат Шамшыбайұлы Байзақов тұрғындарды газбен қамтамасыз ету мәселесі бойынша ақпарат берді. Комиссия төрағасы Керімхан Жанысұлы Қадырбеков энергетика, тұрғын үй-коммуналдық шаруашылық салаларында атқарылып жатқан жұмыстар бойынша  мониторинг жүргізілгенін атап өтіп, басқарма тарапына бірқатар ұсынымдар жолдады.

Күн тәртібіндегі екінші мәселе бойынша облыстық жұмыспен қамтуды үйлестіру және әлеуметтік бағдарламалар басқармасының басшысы Асия Құралқызы Темірбаева ҚР Президентінің «Жаңа Қазақстан: жаңару мен жаңғыру жолы» атты Қазақстан халқына Жолдауын жүзеге асыру бойынша атқарылып жатқан жұмыстар туралы есеп берді.

Басқарма басшысының баяндамасынан кейін облыстық  Қоғамдық кеңесінің әлеуметтік саланың дамуы және мемлекеттік сатып алу саласының жұмысы жөніндегі комиссиясының төрайымы Инара Әбдіғаппарқызы Намазбаева басқармаға кеңес атынан ұсынымдар айтып өтті.

Одан басқа күн тәртібіндегі келесі мәселелер қаралып, талқылау жүргізілді: 

«Білім саласындағы сыбайлас жемқорлық тәуекелдері туралы талдау қорытындысы туралы» баяндаушы: - ҚР Сыбайлас жемқорлыққа қарсы  іс-қимыл Агенттігінің (Сыбайлас жемқорлыққа қарсы қызмет) Түркістан облысы бойынша департаментінің  Превенция басқармасы басшысының орынбасары Сәбит Әсетұлы Әсілбек;

«Ең алдымен адамдар» тұжырымдама аясында азаматтарға мемлекеттік қызмет көрсету сапасын арттыру мәселесі туралы» баяндаушы: - Қазақстан Республикасының  мемлекеттік қызмет істері Агенттігінің Түркістан облысы бойынша  департаменті басшысы, әділет жөніндегі кеңес төрағасы Өркен Байділханұлы Балажанов; 

«Жайлы мектеп» Ұлттық жобасы аясында құрылысы жүргізілетін мектептер тізімі туралы» баяндаушы: - облыстық адами әлеуетті дамыту басқармасының басшысы  Дінислам Болатханұлы баяндама жасады.

Одан басқа «Түркістан облысы әкімдігінің 2022 жылғы 20 қазандағы №200  «2022-2023 оқу жылына техникалық және кәсіптік, орта білімнен кейінгі білімі бар кадрларды даярлауға арналған мемлекеттік білім беру тапсырысын бекіту туралы» қаулысына өзгеріс енгізу туралы» Түркістан облысы әкімдігінің қаулы жобасы;

- «Түркістан облыстық мәслихатының 2020 жылғы 31 желтоқсандағы №55/576-VІ «Түркістан облысының 2021-2025 жылдарға арналған даму бағдарламасы туралы» шешіміне өзгеріс енгізу туралы» Түркістан облыстық мәслихатының шешім жобасы;

- «Түркістан облысының жұмыспен қамтуды үйлестіру және әлеуметтік бағдарламалар басқармасы» мемлекеттік мекемесі туралы Ережені бекіту туралы» Түркістан облысы әкімдігінің қаулы жобасы;

- «Түркістан облысының дін істері басқармасы» мемлекеттік мекемесі туралы Ережені бекіту туралы» Түркістан облысы әкімдігінің қаулы жобасы қаралды.

Түркістан облысының қоғамдық кеңесі