Облыстық Қоғамдық кеңестің кезекті отырысы туралы

---

Облыстық қоғамдық кеңестің кезекті отырысының бірінші мәселесі азық-түлік және бірінші кезекте қажетті тауарлар бағасының өсуіне жол бермеу шараларын қарастыру болды. Аталған мәселе бойынша қоғамдық кеңес мүшелерінің алдында облыстың кәсіпкерлік және индустриялық-инновациялық даму, ауыл шаруашылығы басқармаларының басшылары сөз сөйледі. Қоғамдық кеңес ауылда сүт, ет және шөп дайындау және сақтау бойынша ауылдық өндірістік кооперативтерді дамыту қажеттігін, сондай-ақ «Павлодар» ӘКК өнімін ауылдық дүкендерге үздіксіз жеткізуді қамтамасыз ету қажеттігін атап өтті. Қоғамдық кеңес мүшелерінің толғандырған сұрақтарына облыс әкімінің орынбасары Мейрам Утешов жауап берді. «Павлодар облысында бұқаралық спортты дамыту туралы» мәселе бойынша қоғамдық кеңестің барлық сұрақтарына облыстың дене шынықтыру және спорт, білім беру, денсаулық сақтау, ақпарат және қоғамдық даму басқармаларының басшылары жауап берді. Бар мәселелер өте айқын және оларды осы тақырыпты тереңірек түсінуге мәжбүр етеді. Зейнолла Сальменбаев, Асылбаек Туганбай, Гульбарам Науразбаева, Александр Рюмкин, Владимир Левченко, Олег Николашин мәселені талқылауға белсенді қатысып, бұқаралық спортты дамыту мәселелері бойынша өз ұсыныстарын енгізді. Күн тәртібі шеңберінде сыбайлас жемқорлық құқық бұзушылықтардың алдын алу бойынша жүргізілетін шаралар туралы мәселе тыңдалды. Облыстық білім басқармасының есебі тыңдалды. Облыстың білім басқармасында 2021 жылы екі рет сыбайлас жемқорлық тәуекелдеріне ішкі талдау жүргізілді, оның қорытындысы бойынша сыбайлас жемқорлық тәуекелдерінің туындауының алдын алу бойынша бірқатар ұсынымдар әзірленді. Мәселені қарау қорытындысы бойынша қоғамдық кеңес облыстың салалық басқармаларына, қалалар мен аудандар әкімдіктеріне ұсынымдар берді. Қоғамдық кеңесте мемлекеттік органдардың нормативтік құқықтық актілерінің жобалары және басқа да мәселелер қаралды.